Амударё туманида фермерлар, илғор теримчиларни рағбатлантириш мақсадида турли тадбирлар ташкил қилинмоқда. Яқинда ўтказилган ана шундай тадбирга туманнинг Тўлқин, Куюк кўпир овуллари ва Намуна маҳалласида фаолият юритаётган фермерлар, илғор теримчилар таклиф қилинди.
Тадбирда туман ҳокими Султонбой Йўлдошев қатнашиб, пахта йиғим-теримида иштирок этаётган пудратчи ва ҳашарчиларга туман ҳокимлиги номидан миннатдорлик билдирди.
Ҳудуддаги фермер хўжаликларидан энг юқори ҳосилдорликка эришган Куюк кўпир овулидаги “Сардор сувчи” фермер хўжалигининг раиси Ўринбой Матякубовга эса туман ҳокими Cobalt автомашинасини совға қилди.
Таъкидлаш жоизки, Ўзбекистон Pеспубликаси Вазирлар Маҳкамасининг 2018 йил 25 январдаги “Пахта-тўқимачилик ишлаб чиқаришини ташкил этишнинг замонавий шаклларини жорий этиш чора-тадбирлари тўғрисида”ги қарори асосида 2018 йилнинг сентябрь ойидан бошлаб масъулияти чекланган жамияти шаклидаги “Amudaryotex” хорижий корхонаси кластер усулида пахта етиштиришни йўлга қўйди.
Ғ.ЕШНИЯЗОВ.