Ўзбекистон Республикаси Олий Мажлиси Қонунчилик палатаси ва маҳаллий Кенгашларга бўлиб ўтадиган сайловлар олдидан сиёсий партиялар томонидан тарғибот тадбирлари кучайтирилмоқда.
Тадбиркорлар ва ишбилармонлар ҳаракати — Ўзбекистон Либерал-демократик партияси Қорақалпоғистон Республикаси Кенгаши ташаббуси билан Қўнғирот, Қонликўл, Мўйноқ, Хўжайли, Чимбой, Шўманой, Тахтакўпир, Беруний, Амударё, Элликқалъа ва Нукус туманларида ана шундай тадбирлар ташкил этилди.
— Жорий йилги сайловолди тарғибот тадбирлари ноанъанавий тарзда, кўнгилочар акциялар, шоу-мусиқий дастурлар билан ўтказилмоқда, — дейди партиянинг Элликқалъа тумани Кенгаши аппарат раҳбари Д.Шаропова.
Бундай тадбирлар энг чекка ҳудудларда яшовчи аҳоли орасига чуқур кириб бориш имконини бермоқда. Бу эса партиямиз ҳайриҳоҳларининг янада кўпайишига хизмат қилади.