Шу йилнинг 20 май куни Юқумли касалликлар шифохонасида даволана ётган навбатдаги 6 нафар фуқаро коронавирус инфекциясидан бутунлай соғайди. Улар Қорақалпоғистон Республикаси Жўқорғи Кенгеси ва Соғлиқни сақлаш вазирлиги масъул ходимлари иштирокида реабилитацияга кузатилди.
Даволаниб чиққан фуқаролардан уч нафари Бухоро вилоятидан, икки нафари Хоразм вилоятидан ҳамда бир нафари Навоий вилоятидан бўлиб, барчаси Россия Федерациясидан келган ва карантинга олинган. Юқумли касалликлар шифохонасида даволаш ишлари Жаҳон соғлиқни сақлаш ташкилоти, шунингдек, коронавирус инфекциясига қарши курашишда яхши кўрсаткичларга эришган давлатлар мутахассислари тавсиялари асосида амалга оширилиши натижасида ушбу беморлар бутунлай соғайди. Шундай қилиб, бутунлай даволаниб чиққанлар 118 нафарни ташкил этмоқда.
— Бугун юртимизнинг қайси ҳудуди бўлмасин, беморларга барча шароитлар яратилиб, сифатли тиббий хизмат кўрсатилмоқда, — дейди даволаниб чиққан Бухоро вилояти фуқароларидан бири. — Жумладан, юқумли касалликлар шифохонаси жамоасининг куну-тун самарали меҳнати натижасида бугун реабилитацияга боряпмиз. Ҳозирги синовли кунларда соғлиқни сақлаш соҳасига қаратилаётган алоҳида эътибор ва ғамхўрлиги учун Президентимизга миннатдорлик билдирамиз. Қолган беморларнинг ҳам тезроқ соғайиб чиқишига тилакдошман.
Д.Абибуллаев.
М.ҲАБИБУЛЛАЕВ олган сурат.
