Юртимизда тадбиркорлик билан шуғулланиш учун яратилган бир қатор қулайлик ва имтиёзларга қарамасдан божхона тўловларидан қочиш мақсадида ноқонуний тадбиркорлик билан шуғулланиш фактлари аниқланмоқда.

Мана шундай «тадбиркор»ларнинг бирига тегишли ­«Даўит ата» чегара божхона пости орқали қўшни давлатдан кириб келаётган «MAN» маркали автотранспорт воситаси текширилганида, унинг тиркамасида яширилган, ҳужжатларда қайд этилмаган 61,6 миллион сўмлик алкоголь маҳсулотлари, фуқаро Р.С.нинг бошқарувидаги «Вольво» маркали юк автотранспорт воситаси кўздан кечирилганида эса умумий баҳоси 44 миллион сўмлик 231 дона автотранспортлар учун мўлжалланган эҳтиёт қисмлар борлиги аниқланди. Шунинг­дек, божхона ходимлари томонидан ўтказилган тезкор тадбирлар давомида фуқаро Н.А.  «Шартли ҳаридор»га сифати кафолатланмаган ва тегишли ҳужжатлари бўлмаган 100 дона вирус блокатор тиббий ускуналарни 12 миллион сўмга сотаётган вақтида ашёвий далиллар билан қўлга олинди.

Ҳозирги вақтда ушбу ҳолатлар бўйича тергов, суриштириш ишлари олиб борилмоқда.