Тахиатош туманида «Ёшлар келажагимиз» Давлат дастури ижросини таъминлаш бўйича кенг кўламли ишлар амалга оширилмоқда. Жумладан, туман ҳудудидаги 13 та маҳалла ва овул  фуқаролар йиғинида яшовчи ёшларнинг мурожаатларига кўра 5 млрд. 830 млн. сўмлик 47 та бизнес лойиҳаларнинг манзилли рўйхати шакллантирилди. Шундан тадбиркорлик фаолиятини бошлаган 17 нафар ёшга 1 млрд. 320 млн. сўмлик кредитлар тўлиқ ажратилган.

— 2018 йилнинг октябрь ойида  ўз тадбиркорлик фаолиятимни бошладим. Бунда “Ёшлар-келажагимиз” жамғармаси Тахиатош туман филиали ходимлари яқиндан ёрдам беришди. Ушбу жамғарма томонидан ажратилган 150 миллион сўмлик имтиёзли кредит эвазига, аҳолига хизмат кўрсатиш учун янгидан гўзаллик салони ва тикувчилик цехини ташкил қилдим. Бу ерда 10 нафарга яқин хотин-қизлар иш билан таъминланган. Ҳозирда аҳоли ҳамда корхона ва ташкилотлардан келиб тушган буюртмалар асосида  ҳар-хил кийим-кечакларни тикиб етказиб бермоқдамиз, — дейди «Адина» масъулияти чекланган жамияти раҳбари Муҳаббат Матякупова.

М.ҲАБИБУЛЛАЕВ олган сурат.