Республика болалар силга қарши курашиш санаториясида Инновацион Соғлиқни сақлаш Миллий ­палатаси Қорақалпоғистон Республикаси ҳудудий  бўлими ташаббуси билан Соғлиқни сақлаш вазирлиги, туман (шаҳар) тиббиёт бирлашмалари бош мутахассислари  иштирокида семинар бўлиб ўтди.

Тадбирда бўлим директорининг ўринбосари С.Алламуратова ва ирсий-генетик, тери-таносил касалликлари бўйича мутахассислар сўзга чиқиб, Ўзбекистон Республикаси Президентининг жорий йил 7 сентябрдаги “Кам учрайдиган (орфан) ва бошқа ирсий-генетик касалликларга чалинган болаларга тиббий ва ижтимоий ёрдам кўрсатишни  янада яхшилаш чора-тадбирлари тўғрисида”ги ПҚ-4440-сонли қарорида кўрсатилган вазифалар хусусида тўхталиб ўтишди.

Тадбирда кам учрайдиган (орфан) ва бошқа ирсий ­касалликларнинг олдини олиш, соғлом турмуш тарзини ­шакллантириш ва мустаҳкамлашга қаратилган тавсиялар билдирилди.

Тадбир иштирокчилари ўзларини қизиқтирган саволларга жавоблар олишди.