Жорий йил 13 январь куни Нукусда Қорақалпоғистон Республикаси Жўқорғи Кенгесининг биринчи сессияси бўлиб ўтди.

Сессияда вазирликлар, корхона ва ташкилотлар, ҳуқуқни муҳофаза қилиш органлари раҳбарлари ва оммавий ахборот ­воситалари вакиллари қатнашди.

Сессияни Қорақалпоғистон Республикаси Марказий сайлов комиссияси раиси ­Е.Джуманазаров  очди ва бошқариб борди.

Ўзбекистон ва Қорақалпоғистон Республикаларининг давлат мадҳиялари янгради.

Депутатлар сессиянинг Котибиятини сайлади ва кун тартибини тасдиқлади.

Кун тартибидаги масала бўйича Қорақалпоғистон Республикаси Марказий сайлов комиссияси раисининг ахбороти тингланди.

Таъкидланганидек, Қорақалпоғистон Республикаси “Сайлов тўғрисида”ги қонунига мувофиқ, 2019 йилнинг 22 декабри ва 2020 йилнинг 5 январида Қорақалпоғис­тон Республикаси Жўқорғи Кенгесига ўтказилган сайловлар юртимиз ҳаётида демократик давлат, очиқ фуқаролик жамиятини барпо этиш йўлидаги яна бир муҳим қадам бўлди. “Янги Ўзбекистон, янги сайловлар” шиори остидаги сайловлар амалдаги қонунчиликка мувофиқ, демократия ва ошкоралик тамойиллари асосида ўтказилди. Сайловларга ҳар томонлама тайёргарлик кўрилди. Унинг барча босқичларини чет эллардан, ­халқаро ташкилотлардан келган кузатувчилар, сиёсий партиялар, оммавий ахборот ­воситалари вакиллари кузатиб борди.

Қорақалпоғистон Республикаси Жўқорғи Кенгесига сайлов 65 округ бўйича 622 сайлов участкасида ўтказилди. 2019 йилнинг 22 декабрида бўлиб ўтган сайловларда рўйхатга киритилган 999 минг 333 нафар сайловчидан 771 минг 494 нафар сайловчи, яъни 77, 2 фоизи қатнашди. Қорақалпоғистон Республикаси Марказий сайлов комиссияси томонидан сиёсий партияларнинг республикамиздаги ташкилот­ларидан Қорақалпоғистон Республикаси Жўқорғи Кенгеси депутатлигига тавсия этилган 325 номзод рўйхатга олинди. Қорақалпоғистон Республикаси «Сайлов тўғрисида»ги қонунига мувофиқ 16 номзоднинг “номзодликдан воз кечиш” ҳақидаги аризаси қаноатлантирилди.

Шундай қилиб, сайлов бюллетенларига 50 округда 5 номзоддан, 14 округда 4 номзоддан, 1 округда 3 номзоддан киритилди. 2020 йилнинг 5 январида икки округда қайта овоз бериш бўлиб ўтди.

Умуман 65 сайлов округидан депутатлар тўлиқ сайланди. Шундан Тадбиркорлар ва ишбилармонлар ҳаракати – Ўзбекистон Либерал-демократик партия­сидан 19 нафар, Ўзбекистон “Миллий тикланиш” демократик партиясидан 14 нафар, Ўзбекистон “Адолат” социал-демократик партиясидан 6 нафар, Ўзбекистон Халқ демократик партия­сидан 16 нафар, Ўзбекистон Экологик партияси республика ташкилотидан 10 нафар депутат сайланди.

Депутатлар беш миллат вакилларидан иборат. Улардан 20 нафарини хотин-қизлар ташкил қилади. Сайлов давомида фуқаролардан келиб тушган икки мурожаат ўрганиб чиқилиб, тегишли тартибда жавоб берилди. Сессияда бу масала бўйича тегишли қарор қабул қилинди.

Кун тартибидаги Қорақалпоғистон Республикаси Жўқорғи Кенгесидаги сиёсий партияларнинг фракцияларини рўйхатга олиш тўғрисидаги масала кўриб чиқилди. Депутатлар бу бўйича тегишли қарор қабул қилди.  Шундан сўнг, Қорақалпоғистон Республикаси Жўқорғи Кенгеси Раисини сайлаш тўғрисидаги масала кўриб чиқилди. “Қорақалпоғистон Республикаси Жўқорғи Кенгесининг регламенти тўғрисида”ги Қонунга мувофиқ, сиёсий партиялар фракцияларининг Оқсоқоллар кенгаши тузилиб, унинг таркиби тасдиқланди.  Бу бўйича тегишли қарор қабул қилинди.

Қорақалпоғистон Республикаси Жўқорғи Кенгесининг биринчи сессиясида сайланган Оқсоқоллар кенгашининг йиғилиши ўтказилиб, унда Қорақалпоғистон Республикаси Жўқорғи Кенгеси Раиси лавозимига 63-сонли «ҚаракҚл» сайлов округидан депутат Ерниязов Муса Тажетдиновичнинг номзоди тавсия этилди.

Бу масала бўйича Тадбиркорлар ва ишбилармонлар ҳаракати – Ўзбекистон Либерал-демократик партиясининг Жўқорғи Кенгесдаги фракцияси номидан 54-сонли «Халқабад» сайлов округидан депутат А.Данияров, Ўзбекистон «Адолат» социал-демократик партиясининг Жўқорғи Кенгесдаги фракцияси номидан 25-сонли «НЁўбЁҳЁр» сайлов округидан депутат М.Қурбанбаева, Ўзбекистон “Миллий тикланиш” демократик партиясининг Жўқорғи Кенгесдаги фракцияси номидан 45-сонли «Шоманай» сайлов округидан депутат У.Жалменов, Ўзбекистон Экологик партиясининг Жўқорғи Кенгесдаги фракцияси номидан 21-сонли «Амирабад» сайлов округидан депутат Д.Айтбаева, Ўзбекистон Халқ демократик партиясининг Жўқорғи Кенгесдаги фракцияси номидан 46-сонли «Кетенлер» сайлов округидан депутат Ш.Уснатдиновлар сўзга чиқиб, Оқсоқоллар кенгаши томонидан тавсия этилган номзодни қўллаб-қувватлашди. Ўзбекис­тон Республикаси Президентининг розилиги ва сессияда яширин овоз бериш йўли билан 63-сонли «ҚаракҚл» сайлов округидан депутат Ерниязов Муса Тажетдинович Қорақалпоғистон Республикаси Жўқорғи Кенгеси Раиси этиб сайланди. Депутатлар бу бўйича тегишли қарор қабул қилди.

Сессияда «Қорақалпоғистон Республикаси Жўқорғи Кенгеси Раисининг ўринбосарини сайлаш тўғрисида»ги масала кўриб чиқилди. Қорақалпоғистон Республикаси Конституциясининг 81-моддаси ва «Қорақалпоғистон Республикаси Жўқорғи Кенгеси тўғрисида»ги қонунининг 14-моддасига мувофиқ, 22-сонли «Наўайи» сайлов округидан депутат Атажан Ҳамраев яширин овоз бериш йўли билан Қорақалпоғистон Республикаси Жўқорғи Кенгеси Раисининг ўринбосари этиб сайланди. Бу бўйича тегишли қарор қабул қилинди.

Кун тартибидаги масала бўйича Қорақалпоғистон Республикаси Жўқорғи Кенгесининг қўмиталарини ва комиссиясини тузиш, уларнинг таркибини ва раисларини сайлаш тўғрисидаги масала кўриб чиқилди. «Қорақалпоғистон Республикаси Жўқорғи Кенгеси тўғрисида»ги қонуннинг 18-моддаси ва сиясий партиялар фракциялари аъзоларининг тавсиясига мувофиқ 49-сонли «Қо¦ират» сайлов округидан депутат С.Турманов Қорақалпоғистон Республикаси Жўқорғи Кенгесининг Қонунчилик, суд-ҳуқуқ ва коррупцияга қарши курашиш масалалари қўмитасининг раиси, 4-сонли «Ерназар АлакҚз» сайлов округидан депутат Х.Бекчанов Қорақалпоғис­тон Республикаси Жўқорғи Кенгесининг Бюджет, иқтисодий ислоҳотлар ва инвестициялар масалалари қўмитаси раиси, 53-сонли «Кегейли» сайлов округидан депутат Д.Қурбаниязов Қорақалпоғистон Республикаси Жўқорғи Кенгесининг Ижтимоий-маданий ривожланиш ва жамоат бирлашмалари масалалари қўмитаси раиси, 9-сонли «Ёжинияз» сайлов округидан депутат А.Ибрагимов Жўқорғи Кенгеснинг Саноат, қурилиш, транспорт ва ахборот технологиялари масалалари қўмитаси раиси, 18-сонли «Жамбасқала» сайлов округидан депутат Ш.Атаниязов Жўқорғи Кенгеснинг Аграр, сув хўжалиги, табиатни муҳофаза қилиш масалалари ва экология қўмитасининг раиси, 54-сонли «Халқабад» сайлов округидан депутат А.Данияров Жўқорғи Кенгеснинг Ёшлар сиёсати ва соғлом авлодни тарбиялаш масалалари бўйича қўмита раиси, 46-сонли «Кетенлер» сайлов округидан депутат Ш.Уснатдинов Жўқорғи Кенгеснинг Регламент ва депутатлик этикаси масалалари комиссиясининг раиси этиб сайланди. Депутатлар бу бўйича тегишли қарор қабул қилди.

Шундан сўнг Қорақалпоғистон Республикаси Вазирлар Кенгашининг Раиси тўғрисидаги масала кўриб чиқилди. Қорақалпоғистон Республикаси Конституциясининг 89-моддасига мувофиқ, Қорақалпоғистон Республикаси Вазирлар Кенгаши Раисининг Вазирлар Кенгаши ваколатлари тўғрисидаги масала кўриб чиқилди ва бу бўйича қарор қабул қилинди.

Сессияда Қорақалпоғистон Республикаси Вазирлар Кенгаши Раиси лавозимига Қ.Сариев номзоди тавсия этилди. Ўзбекистон Республикаси Президентининг розилиги билан сессияда Қ.Сариев Қорақалпоғистон Республикаси Вазирлар Кенгашининг Раиси этиб тайинланди. Депутатлар бу  бўйича тегишли қарор қабул қилди.

Шундан кейин Қорақалпоғистон Республикаси Вазирлар Кенгашининг таркибини тасдиқлаш тўғрисидаги масала кўриб чиқилди. Бу бўйича таклиф киритиш учун сўз Қорақалпоғистон Республикаси Вазирлар Кенгаши Раиси Қ.Сариевга берилди. Бу бўйича тегишли қарор қабул қилинди.

Қорақалпоғистон Республикаси Марказий сайлов комиссиясининг Ўзбекистон Республикаси Олий Мажлиси Сенати аъзоларини сайловини жорий йил 17 январь куни ўтказиш тўғрисидаги қарори қабул қилинди. Шу муносабат билан Ўзбекистон Республикаси Сайлов Кодексига мувофиқ Қорақалпоғистон Республикаси Жўқорғи Кенгеси, шаҳар ва туман Кенгашлари депутатлари Қўшма йиғилишининг маслаҳат кенгаши аъзолигига номзод тавсия қилиш тўғрисидаги масала кўриб чиқилди. Маслаҳат кенгаши аъзолигига номзод қилиб 45-сонли «Шоманай» сайлов округидан депутат У.Жалменовнинг номзоди тавсия этилди. Депутатлар бу бўйича тегишли қарор қабул қилди.

Сессияда Ўзбекистон Республикаси Президентининг маслаҳатчиси Т.Худайбергенов сўзга чиқди.

Сессия ишида Ўзбекистон Республикаси Президенти маслаҳатчисининг ўринбосари У.Исмайлов иштирок қилди.

Шу билан Қорақалпоғистон Республикаси Жўқорғи Кенгесининг биринчи сессияси ўз ишини якунлади.

Қорақалпоғистон ахборот агентлиги.