Президентимиз Ш.Мирзиёев ўтган йил 27 декабрь куни Муҳаммад ал-Хоразмий номидаги мактабда ёшлар билан бўлган учрашувида – Ёшлар орасида “Мен Сизнинг ёнингизда туриб, камарбаста бўламан!” деб кўзи ёниб турган, билимли, жасоратли йигит-қизлар борлигига ишонаман. Етакчиликнинг, ўз ортидан эргаштиришнинг энг тўғри йўли шахсий ўрнак ва намуна бўлишдир, – деган эди.

Ўзбекистон Республикаси Президенти маслаҳатчиси Т. Худайбергенов, Қорақалпоғистон Республикаси Жўқорғи Кенгеси Раиси М. Ерниязовларнинг ёшлар билан учрашуви, унда билдирилган фикрлар ёшларимиз учун ҳар томонлама ўрнак ва намуна бўлди. Экологик оғир шароитда яшаётган аҳоли турмуш шароитларини янада яхшилаш, денгизнинг қуриган тубида ўрмонзорлар барпо этиш борасида олиб борилаётган кенг кўламли тадбирларда фаол иштирок этаётган ёшларга янада катта куч-ғайрат бахш этди.