Шу йилнинг 4 март куни Қорақалпоғистон Республикаси Жўқорғи Кенгесида Туркия-Нидерландия халқаро қурилиш компанияси директори Эшреф Озсахинни қабул қилиш маросими бўлиб ўтди.
Тадбирда Қорақалпоғистон Республикаси Жўқорғи Кенгеси Раиси М.Ерниязов меҳмонни республикамизга ташрифи билан қутлаб, Президентимиз раҳбарлигида кичик бизнес ва хусусий тадбиркорликни қўллаб-қувватлаш, хорижий инвесторлар билан ҳамкорликни ривожлантириш, юртимизнинг иқтисодий салоҳиятини мустаҳкамлаш борасида амалга оширилаётган ишлар хусусида тўхталиб ўтди. Жумладан, қишлоқ хўжалиги, чорвачилик, қурилиш соҳаларида жаҳонда етакчи компаниялар билан ҳамкорлик қилиш яхши йўлга қўйилаётганлиги алоҳида мамнуният билан қайд этилди.
Ўз навбатида меҳмон Президент Шавкат Мирзиёев раҳбарлигида Қорақалпоғистон Республикасини ижтимоий-иқтисодий ривожлантиришга қаратилаётган алоҳида эътибор, хорижий инвесторларга яратилаётган кенг имкониятларга юқори баҳо берди. Жумладан, Туркия-Нидерландия халқаро қурилиш компанияси келгусида бир қатор лойиҳаларни амалга ошириш нияти борлигини билдирди.
Қабул жараёнида ўзаро ҳамкорликни янада ривожлантириш бўйича фикр алмашилди.
Д.Абибуллаев,
Қорақалпоғистон ахборот агентлиги шарҳловчиси.
