Ўзбекистон «Адолат» социал-демократик партияси ташаббуси билан Қорақалпоғистон Республикаси ҳудудидаги барча умумтаълим мактабларининг 6-11-синф ўқувчилари ўртасида “Биз коррупцияга қаршимиз!” мавзусида иншолар танловининг биринчи саралаш босқичи ўтказилди.
Жорий йилнинг февраль ойидан март ойига қадар уч босқичда ўтказилиши режалаштирилган ушбу танловнинг асосий мақсади, мактаб ўқувчиларининг ҳуқуқий билими ва маданиятини янада ошириш орқали уларнинг онгида коррупцияга қарши курашиш иммунитетини шакллантиришдан иборат.
Шундай танлов Нукус шаҳридаги 17-сонли умумтаълим мактаби ўқувчилари ўртасида ҳам ўтказилди. Тадбирда юз нафарга яқин мактаб ўқувчиси иштирок этиш истагини билдирди. Юқори савияда ташкил этилган танловда энг яхши иншолар адолатли равишда саралаб олинди.