Қорақалпоғистон Республикаси божхона бошқармаси томонидан тизимда фаолият юритаётган энг фаол ёш божхоначиларни аниқлаш ва муносиб тақдирлаш мақсадида илк бора “Йилнинг энг фаол ёш божхоначиси” танлови ўтказилди.

Иштирокчилар тест саволлари ҳамда “Менинг ғоям” лойиҳаси асосида ўз билимларини синовдан ўтказишди. Танловда иштирокчиларнинг ижтимоий-сиёсий саводхонлиги, ёшларга оид давлат сиёсатининг амалга оширилиши, мавжуд муаммоларнинг ечими бўйича  билим ва кўникмалари эътиборга олинди.

Танлов якунида биринчи ўринни “Қарақалпақстан” темир йўл чегара божхона пости инспектори Д.Исмаилова, иккинчи ўринни “Даўит ата” чегара божхона пости инспектор-терговчиси ­С.Асадов ҳамда учинчи ўринни бошқарманинг жамоатчилик ва ОАВ билан ишлаш гуруҳи катта инспектори Ю.Қудиярова эгаллади.

Ғолиблар танловнинг мамлакат босқичига йўлланма олди.