ekinshi basqıshına start berildi

Prezidentimizdiń “Xalıq hám awıl xojalıǵın dizimge alıw haqqında”ǵı Pármanına muwapıq, usı jıldıń 15-yanvar sánesinen baslap mámleketimiz boylap dizimge alıw jumısları basqıshpa-basqısh ámelge asırıla baslandı. Bul processtiń birinshi basqıshı 31-yanvar kúni rásmiy juwmaqlandı.

Dizimge alıwdıń birinshi basqıshı juwmaqlarına bola, Qaraqalpaqstan Respublikasında jámi 335 mıń 880 shańaraq dizimge alındı. Bul ulıwma shańaraqlar sanınıń derlik 84,9 procentin quraydı. Bul kórsetkish dizimge alıw jumısları reje tiykarında, belgilengen múddetlerde hám joqarı shólkemleskenlik dárejesinde alıp barılǵanınan dárek beredi.

Usı jıldıń 4-fevral sánesinen xalıq hám awıl xojalıǵın dizimge alıwdıń ekinshi basqıshına start berildi.

Xalıqtı hám awıl xojalıǵın dizimge alıw procesi aymaqlardıń sociallıq-ekonomikalıq rawajlanıwın bahalaw, mámleketlik baǵdarlamalardı nátiyjeli rejelestiriw hám keleshekte qabıl etiletuǵın qararlar ushın áhmietli statistikalıq maǵlıwmatlar bazasın qáliplestiriwde úlken áhmietke ie. Sonlıqtan dizimge alıw jumısları izbe-iz hám sapalı túrde dawam ettiriliwi názerde tutılǵan.

Gúldana Begdullaeva,

Qaraqalpaqstan Respublikası statistika basqarması Sanaq processlerin shólkemlestiriw hám ótkeriw bólimi xızmetkeri.