Nókis qalalıq medicina birlespesine qaraslı 4-shańaraqlıq poliklinika Qızıl qum, Jipek jolı, Nawrız, Náwbáhár, Bes tóbe, Jayxun sıyaqlı máhállelerde jasaytuǵın xalıqqa sapalı medicinalıq xızmet kórsetedi.

2025-jılı poliklinika jámááti eki qabatlı zamanagóy jańa imarat penen támiyinlendi. Mákemeniń barlıq xanaları zárúr medicinalıq ásbap-úskeneler menen tolıq támiyinlengen. Xalıqtı sapalı medicinalıq tekseriwden ótkeriw, sonday-aq, kerekli emlewlerdi ámelge asırıw ushın barlıq sharayatlar jaratılǵan.

Bunnan tısqarı, shetki aymaqlarda jasaytuǵın xalıqqa qolaylılıq jaratıw maqsetinde bir qatar máhállelerde poliklinika filialları shólkemlestirilgen. Puqaralardı dizimge alıw, kesellik betlerin rásmiylestiriw, nawqaslardı shıpakerlerdiń qabıllawına jiberiw hám náwbetti basqarıw sıyaqlı xızmetler tolıq elektron sistema arqalı ámelge asırılmaqta.

M.HABIBULLAEV

túsirgen súwret.