МИЛЛИЙ ГВАРДИЯНИНГ

МАРД ЎҒЛОНЛАРИГА

Халқимиз бахтининг посбонларисиз,

Ватан сарҳадларин қўрғонларисиз,

Миллий гвардия сафларидасиз,

Машқларда тобланган ўғлонларисиз.

Эзгулик шиордир ҳар бирингизга,

Олий Қўмондон ишонар Сизга,

Миллий гвардия – ҳарбий  мактаби,

Тинчлик деб яралган ҳаётимизда.

Бу диёр сизники  Оллоҳдан тортиқ,

Бизга Ватан йўқдир шу юртдан ортиқ,

Аскарлик нишони-Миллий  Армия,

Ишончин оқламоқ сиз учун бахтдир.

Миллий гвардия сафларидасиз,

Ватан деб, мард,  шахдам қадам ташлайсиз,

Ватан деб жон тиккан-саркардаларнинг,

Азиз руҳи билан  мағрур яшайсиз.

Борсиз янги тарих варақларида,

Тинчлик бор Ватаннинг сарҳадларида,

Сиз юртнинг довюрак аскар ўғлони,

Халқ сизга суянар, сиз-ла фахрда.

Озод ҳаёт бахту-иқбол ҳикмати,

Темур, Жалолиддин бобом қудрати,

Мардларнинг мактаби Миллий гвардия,

Юртимиз таянчи ва садоқати.

Ватанни жон каби асрайсиз бугун,

Юртбоши ишончин оқлайсиз бугун,

Келажак иқболи Эрк ва Тинчликни,

Дилдаги имондек сақлайсиз бугун.

Миллий гвардия мустаҳкам қўрғон,

Тинчлик учун элга сиз, метин қалқон,

Сиз шунқор бургутсиз, тинч осмонларда,

Сизга ишонади ҳур Ўзбекистон.

Гулистон МАТЁҚУБОВА,

Қорақалпоғистон халқ шоири.