Қишлоқ хўжалигида юқори ва сифатли ҳосил етиштиришда карантин хизмати муҳим ўрин тутади. Зарарли организмлар тарқалишининг олдини олиш орқали экинлар ҳимояси таъминланади.

Бугунги кунда дунё бўйича ўсимлик­лар карантини соҳасида 340 дан ортиқ карантин организмлари рўйхатга олинган. Қорақалпоғистон Республикаси ҳудудида эса комсток қурти, судралувчи какра, зарпечак ва девпечак каби зарарли организмлар учрамоқда. Улар экинлар ҳосилдорлиги ва маҳсулот сифатига жиддий таъсир кўрсатади.

Айниқса, комсток қурти 300 дан ортиқ ўсимлик турларига зарар етказиб, мевали дарахтлар ва тутзорларга катта зиён келтиради. Судралувчи какра эса экин майдонларининг маҳсулдорлигини пасайтирса, зарпечак паразит бегона ўт сифатида ўсимлик­ларни заифлаштириб, уларни нобуд қилади.

Шу боис, Қорақалпоғистон Респуб­ликаси Ўсимликлар карантини ва ҳимояси агентлиги томонидан мазкур зарарли организмлар тарқалишининг олдини олиш, шунингдек, янги зараркунанда ва касалликларнинг кириб келишини чеклаш бўйича тизимли чора-тадбирлар амалга оширилмоқда.

Карантин хизмати — қишлоқ хўжалигининг ишончли ҳимоясидир. Таъкидлаш жоизки зарарли организмларга қарши ўз вақтида кўрилган чоралар орқали ҳосилдорлик ва маҳсулот сифати сақлаб қолинмоқда.

З.Каримов,

Тўрткўл тумани “Мискин” ЙПХ ЎКЧМ инспектори.

Б.Худойшукуров,

Тўрткўл ТИФ  инспектори.